På Hufthammar er det no vestvendte tomtar med flott utsikt over Hundvåkosen til sals! Reguleringsplanen for området vart godkjent av Austevoll kommune 15.06.23.
Tomteområdet ligg på 3 rekkjer med naturleg høgdeforskjell slik at kvar tomt har godt utsyn og sol heile dagen. Om kvelden vil alle bustadane få flotte solnedganger, dei dagane vestlandet byr på det. Med nærleik til sjøen vil ein få ei unik kjensle av å tillhøyre elementa dei dagane vestlandet byr på ruskevær.
Tomteområdet har 12 tomtar for einebustader (har kode BFS i plankartet), 2 tomtar for tomannsbustader og 1 tomt for firmannsbustad (har kode BKS i plankartet).
Området ligg ca. 1 km frå Hufthammar fergekai (der det no er gratis ferje) og 2 km frå kommunesenteret på Storebø der det er lege, skule og butikkar.
Tomtane vert selde med ferdig infrastruktur. Det vil sei at dei vil vere planeringsklare med vei, vatn, avlaup og fiber til tomtegrensa. Pris er ikkje endeleg fastsatt og vil avhenge av endelege anbod frå entreprenører/leverandørar. Eit nytt anbod henta inn i mai 2024 gjev ein antydning om prisnivå. Dette er skisert under Plankartet. Prisantydningane gjekk litt ned etter dette nye anbodet! I september 2024 er tomteprisane justert litt opp i tråd med prisveksten.
Ta kontakt for å høyre meir om prisestimater, vidare prosess, mogeligheit for kjøp av tomt og for å få omvising på området.
BFS 13-17. Eienbustader som gir mest nærheit til sjøen og får fin skjerming fra skrenten i aust. Desse tomtane ser foreløpig ut til å få ein pris frå 2,45 til 1,91 millionar, litt vareierande etter kvar dei ligg og storleik.
BFS 8-11. Eienbustader som vert liggjande 10-12 meter over den nederste rekkja slik at utsynet blir flott samstundes som dei framleis har fin nærheit til Hundvåkosen. Her vert dei også noko utsyn austover. Desse tomtane ser ut til å få ein pris på ca 1,76 millioner.
BFS 5-7. Einebustader som ligg høgast i terenget og har best utsyn. Dei har i tillegg utsyn mot nord - nordaust og sør. Dette er litt større tomtar. BFS 7 vert den billigaste tomten på ca. 1,19 millionar, BFS 5 på 1,76 millionar og BFS 6 på 1,55 millioner.
BKS 3-4. To tomtar for tomannsbustad. Mest aktuell for utbyggjar. Desse tomtane ser ut til å få ein pris på 2,07 og 2,85 mill.
BKS 2. Tomt for ein firmannsbustad eller to tomannsbustader. Stor tomt med mange mogeligheiter. Estimert pris: 3,2 mill.
Utomhusplanen viser korleis det kan verta sjåande ut på nederste rekkje. Dette er berre eit eksempel og setter ingen føringar for utforminga slik det vert sjåande ut til slutt.
I dese dokumenta vil ein finna detaljer som rekkjefølgekrav, byggehøgder, kva tomtar som kan ha utleige einingar og mykje meir.
Ynskjer du meir informasjon, omvisning eller sjå nærare på mogeligheiten for å kjøpe tomt? Du når oss på telefon, e-post eller send ein melding ved å fylle ut skjema under.
Mange fornøgde bebuarar vil kunne få oppfylt husdraumen hos oss. Å trygja eit godt bumiljø med leikeområde, friområde/fellesområde, fortau osb. er det vi vil sørgje for. Kjøparar kan forme tomta/huset sitt slik dei draumar om, og dei kan sjølve velje leverandør og entreprenør/byggefirma.
Hufthammar Panorama har vi namngitt tomteområdet og vi bruker dette namnet i markedsføringa.
Dette er passande sidan alle tomtene har god utsikt over Hundvåkosen. Her kan ein sjå frå Stolmen i sør til Sotra i nord.
Det er grunneigarane som sel tomtane og står for utbyggjing av infrastrukturen via familieselskapet Huftahammar Eigedom AS. Selskapet vart oppretta i 2017, samstundes som reguleringsplanarbeidet vart starta opp.
Tomteområdet var tidligare lyngheier som vart leplanta med sitkagran på 60 og 70 talet. Denne leplantinga fann stad langs heile den steinete lyngheia som vender mot sjøen. Sitkagran er ein fremmedart i Norsk fauna og har diverre øydelagt dei tidligare lyngheiene. Å fjerne fremmedartar er ønskjeleg og med skogen vekke, dukkar eit fantastisk godt egna område for bustader opp.
Det vil framleis være gardsdrift på jordene som tilstøyter tomteområdet. Dette er slåttemarker og husdyra beiter eit stykke unna. På slåttemarkene lever ein rekkje fuglearter som blant anna vipe. Ørn flyr av og til over området.
Det ferdast mange småbåter langs landet som fiskar etter hummer og krabbe. For det meste er det for bratt å ta seg ned til sjøkanten, men det er mogeleg å fanga seg ein fiskemiddag på stang om ein er litt ledig i "steget" ned til svaberga.
